Şriftin ölçüsü :

Saytın rəngi :

Pirallahı rayonunda “İlham Əliyev- davamlı inkişaf modelinin müəllifi” başlıqlı tədbir keçirildi

22 dekabr 2021 | 11:00
     22 dekabr 2021-ci il tarixində YAP Pirallahı rayon təşkilatının  təşəbbüsü ilə “İlham Əliyev- davamlı inkişaf modelinin müəllifi” başlıqlı tədbir keçirilmişdir. Pirallahı Rayon İcra Hakimiyyətinin başçısı Vasif İmanov, YAP Pirallahı rayon təşkilatının sədri Emil Abasov, Azərbaycan Milli Məclisinin deputatı Hikmət Babaoğlu, YAP Pirallahı rayon təşkilatı ərazi partiya təşkilatının sədrləri, İkinci Qarabağ müharibəsi qaziləri və Pirallahı rayon təşkilatının fəalları iştirak edən tədbirdə əvvəlcə Azərbaycan Prezidenti İlham Əliyevin fəaliyyətinə həsr edilmiş videoçarx nümayiş olunub.
     Tədbiri giriş sözü ilə açan YAP Pirallahı rayon təşkilatının sədri Emil Abasov bildirib ki, Ümummilli liderimiz Heydər Əliyevin müəyyənləşdirdiyi dinamik inkişaf strategiyasını rəhbər tutan, regionda çox böyük nüfuza malik olan və geniş spektrli vizyon sahibi cənab İlham Əliyevin dövlətimizin başçısı seçilməsi ilə müasir tariximizdə keyfiyyətcə yeni mərhələnin başlanğıcı qoyulub. Bütün sahələrdə köklü dəyişikliklərlə, xalqın rifah halının daimi yaxşılaşdırılması, 44 günlük Vətən müharibəsində parlaq qələbə qazanan Azərbaycanın dünyadakı rolunun yüksəlməsi ilə müşayiət olunan bu mərhələ daxili və xarici siyasi kursumuzda möhtəşəm uğurlarla, nəhəng abadlıq və quruculuq işləri və dünyada bənzəri olmayan sıçrayışlı iqtisadi inkişafla yadda qalıb. Natiq öz çıxışında qeyd etdi ki, Azərbaycanın hərtərəfli və dinamik inkişafı, yeni iş yerlərinin açılması, enerji sahəsi ilə yanaşı, qeyri-neft sektorunun tərəqqisinə nail olmaq, milli sahibkarlığın formalaşması və inkişafı, əhalinin aztəminatlı hissəsinin, bütövlükdə isə hər bir vətəndaşın maddi rifah halının yüksəldilməsi, Azərbaycanın milli mənafeyinə cavab verən müstəqil xarici siyasətin yürdülməsi, Ermənistanla, münaqişənin beynəlxalq hüquq normaları çərçivəsində ədalətli həlli, diaspor və lobbiçilik fəaliyyətinin gücləndirilməsi, regional inteqrasiya proseslərinin sürətləndirilməsi vahid siyasi platformaya söykənən çoxşaxəli və geniş miqyaslı bu qlobal strateji xəttin prioritet istiqamətləridir.
     Tədbirdə çıxış edən Azərbaycan Milli Məclisinin deputatı Hikmət Babaoğlu öz çıxışında 44 günlük Vətən müharibəsinin məhz Müzəffər Ali Baş Komandan İlham Əliyevin rəhbərliyi və dərindən düşünülmüş hərbi strategiyası nəticəsində qələbə ilə sonlandırıldı. Dövlət başçısına olan böyük ümumxalq sevgisindən söz açan natiq qeyd etdi ki, qələbənin miqyası olduqca böyükdür və bütövlükdə Azərbaycan xalqının yenidən doğuş tarixidir. Əldə olunan böyük tarixi zəfər bütövlükdə regionumuzda yeni geostrateji reallıqlar  yaratmişdır. Deputat bildirdi ki, öz torpaqlarının 30 illik işğalına son qoyan Azərbaycan son dövrlər bir çox meqa lahiyələr həyata keçirir. Bu baxımdan özündə həm geoiqtisadi, həm də geosiyasi əhəmiyyət daşıyan Zəngəzur dəhlizi nəinki Azərbaycan və Türkiyə üçün, bütövlükdə Asiya regionu və türk dünyası üçün də olduqca vacib bir layihədir. Dəhliz sayəsində regionlararası yüklər daha qısa yolla və daha az müddətdə daşınacaq və Azərbaycanın Şərqi Zəngəzur iqtisadi rayonunda infrastruktur erməni işğalçıları tərəfindən dağıdıldığından dənizlərə çıxış imkanları bərpa edilir. Zəngəzur dəhlizinin Naxçıvanın blokadadan çıxması, Azərbaycanın Avropaya daha qısa yolla çıxışı və Avropa-Asiya arasındakı əlaqələrə də təsiri olacaq.
      Ordu dövlətin suverenliyini və ərazi bütövlüyünü təmin etmək üçün əsas qüvvə olaraq dövlət hissərindən biridir. Azərbaycan Ordusu ümummilli lider Heydər Əliyevin başladığı və Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin uğurla davam etdirdiyi müdrik siyasət nəticəsində gündən-günə daha da möhkəmlənir, döyüş qabiliyyətini artırır. Azərbaycan beynəlxalq aləmdə  güclü iqtisadiyyata malik bir ölkə kimi tanınmaqla yanaşı, həm də NATO standartlarına uyğunlaşmış modern bir ordusunun olması ilə də diqqəti cəlb edir. Ulu Öndərin ideyalarını layiqincə yerinə yetirərək ordu quruculuğu sahəsində öz səylərini daha da artıran Ali Baş Komandan Azərbaycan Silahlı Qüvvələrinin müasir hərbi texnika ilə təchiz edilməsinə, möhkəm nizam-intizam, yüksək döyüş ruhu ilə seçilən, düşmənə sarsıdıcı zərbə vurmağa qadir olan bir ordu yaradılmasına nail olmuşdur.
      Tədbirdə çıxış edən , İkinci Qarabağ müharibəsi qazisi Pərviz Abbaszadə öz çıxışında Azərbaycan Ordusunun gücündən söz açdı. O bildirdi ki,  milli-mənəvi birliyimiz, Vətən oğullarının doğma el-obaya sədaqəti, mərdliyi və mətinliyi 44 günlük müharibədə özünü daha bariz şəkildə göstərdi. 44 günlük Vətən müharibəsindən az sonra Respublikamızda Anım Gününün təsis edilməsi haqqında Azərbaycan Respublikası Prezidentinin Sərəncamı xalqımız və Ordumuzun şəxsi heyəti tərəfindən tarixi bir sənəd olmaqla yanaşı, həm də şəhidlərimizin xatirəsinə sonsuz ehtiramın bariz nümunəsi kimi minnətdarlıqla qarşılanıb.
        Tədbirin yekununda söz Pirallahı Rayon İcra Hakimiyyətinin başçısı Vasif İmanova verildi.  O vurğuladı ki, Prezident İlham Əliyevin məqsədyönlü xarici siyasəti nəticəsində keçən dövr ərzində Azərbaycan regional və qlobal əhəmiyyətli iqtisadi, siyasi və humanitar layihələrin mərkəzinə çevrilib, bir sıra əhəmiyyətli əməkdaşlıq formatlarının təşəbbüskarı olub. Müasir dövrdə Azərbaycanın beynəlxalq səviyyədə həyata keçirdiyi bərabərhüquqlu və qarşılıqlı maraqlar prinsiplərinə söykənən xarici siyasət strategiyası ekspertlər tərəfindən təqdir olunan model kimi qiymətləndirilib. Ümumilikdə, Prezident İlham Əliyevin həyata keçirdiyi xarici siyasət kursu həmişə öz dinamikliyi, intensivliyi və çevikliyi ilə xarakterizə olunub və daim milli maraqlara söykənib. Daha sonra son dövrdə rayonda görülən böyük quruculuq-abadlıq işlərindən söz açan natiq dövlət başçısının diqqət və qayğısı nəticəsində rayonun əsaslı inkişaf perspektivləri haqqında danışdı.

 

 

 

 

Keçidlər